ФАКТОР НА ДЕНОТ: Русковска и Муареми го заострија тонот, се огласи и американската амбасада
Објавено во: Македонија 04 Август, 2022
РУСКОВСКА СЕ ЖАЛИ НА ПРИТИСОЦИ
Обвинителката Вилма Русковска бара странска и владина помош против притисоците од владиниот функционер Муареми, откако тој претходно најави кривична пријава против неа и уште две обвинителки кои минатиот месец направија претрес во Управата за финансиска полиција.
Шефицата на Обвинителство за гонење на организиран криминал и корупција синоќа преку писмено обраќање ги повика на помош амбасадите на САД и ЕУ, Владата и јавноста од, како што го нарекува, загрозувачкиот притисок од претставник на владата, односно директорот на Финансиската полиција Арафат Муареми, за кој нагласува дека е под истрага, а кој вчера на прес најави дека неа и на две други обвинителки ќе им поднесе кривични пријави.МУАРЕМИ ЈА ОБВИНУВА РУСКОВСКА ЗА НЕПРОФЕСИОНАЛНОСТ
Русковска пишуваше синоќа, утрово и возврати Муареми. Продолжува вербалната војна меѓу првите луѓе на институциите во земјава кои го гонат високиот кримнал и корупција.
Вчера шефицата на ОЈОГОК рече дека е подготвена информациите што ги има нејзиното обвинителство и што ќе ги обезбеди за Муареми да ги сподели со јавноста, па таа нека суди кој е криминалец, а кој борец против криминалот.
Денеска утрово, пак, првиот човек на Управата за финансиска полиција, Арафат Муареми, напиша дека ако таа располага со сознанија и информации за криминал што тој го направил, тогаш со јавноста нека сподели обвинителен акт, а не празни и неосновани информации. Тој исто така во својот одговор наведува дека одговорност за, како што го нарече, самоволието на обвинителката, мора да има.СО СТАВ СЕ ЈАВИ И АМЕРИКАНСКАТА АМБАСАДА
Oд амбасадата на САД се јавија по апелот на обвинителката Вилма Русковска која се пожали на притисоци.
По синоќешниот повик на шефицата на Обвинителството за гонење организиран криминал до сите меѓународни институции и амбасади да пружат помош преку проверка на фактите кој во државата е криминалец, а кој се бори против криминалот, од амбасадата велат дека тоа прашање треба други институции да го решат.МАКЕДОНИЈА ДОНИРА АВИОНИ ЗА УКРАИНА?
Македонија на Украина деновиве и ги донирала четирите воени авиони „СУ-25“. Македонија за време на конфликтот во 2001 година ги купи од Украина за четири милиони евра.
Информацијата на „МКД“ засега не е потврдена од Министерството за одбрана, но не е ниту демантирана. Се работи за авионите што Македонија планираше да ги продаде уште во 2004 година.
Во пролетта 2003 година македонското Министерство за одбрана дeкларира дека во фopмaцискиот состав на АРМ веќе нема потреба од борбените авиони, а во 2004 година авионите биле пpизeмjeни, кoнзepвирани и подготвени за продажба.ЧИТАЈТЕ УШТЕ
Можеби ќе ве интересира
Државен завод за ревизија: Имаме 100 скривници, ДЗС ги има запуштено
НА МЛАД ПАЦИЕНТ Е ИЗВРШЕНА УСПЕШНА ТРАНСПЛАНТАЦИЈА НА КОСКА: Корегиран деформитет на стапалото од церебрална парализа
„Атентат“ на Зијадин Села на Вевчанскиот карневал, ДУИ реагира
ТОШКОВСКИ СЕ НАЛУТИ: Може за Македонците да збориме? Еднаш во својот говор не спомнавте Македонци, или Срби, или Турци.....
„СИТЕ СМЕ ВО ШОК ДЕКА ЈОВИЌ ВО РАНИТЕ УТРИНСКИ ЧАСОВИ ГО ЗАГУБИЛ ЖИВОТОТ“: Почина поранешниот ракометен репрезентативец Александар Јовиќ
ПРОМЕНА НА УСТАВОТ АКО САКАМЕ ВЛЕЗ ВО ЕУ: Еве што вели еврокомесарката Кос
Левица: Скандалозните и неделовнички изјави на Гаши, ја ставаат партијата на Мицкоски со 58 пратеници во потчинета положба
