Фејсбук лансира нови алатки како би спречил самоубиства

Добивај вести на Viber

Со преку милијарда корисници, Фејсбук игра значајна улога во поврзувањето на корисниците. Служи како место за споделување на вести (добри или лоши), но исто така овозможува и платформа за корисници кои бараат поддршка од своите дигитални  придружници. Компанијата е свесна за тоа дека може да служи како платформа за поддршка во случаиите кога на корисниците им е потребна помош. Тоа е една од причините зошто Фејсбук 2011 година го овозможил обележувањето и укажувањето на самоубиствена содржина. Сега Фејсбук оди чекор напред и претставува нови алатки како би го спречил бројот на самоубиствени акции.

Од оваа недела, Фејсбук ќе нуди нова опција внатре во секој пост, кој на корисниците ќе им овозможи да го обележат постот и да означат потенцијални самоубиствени планови на пријатели. Загрижената страна може да кликне на малата стрелка во десниот агол на статусот и да ја избере опцијата „Report Post“. Кога таа личност повторно ќе се логира на Фејсбук, ќе и биде понудена опција да ја контактира личноста која е загрижена за неа, ќе ја наведе помошта на другите пријатели или ќе им овозможи професионална помош.

Фејсбук склопил партнерство со организациите за ментално здравјте, како што се „Forefront“, „Now Matters Now“, „National Suicide Prevention Lifeline i Save.org.“

Опцијата најпрво ќе им биде достпна на корисниците во Америка, а потоа ќе биде раширена глобално.