(ФОТО) Заминувањето на најсиромашниот претседател на светот!

Добивај вести на Viber

Претседателот на Уругвај Хосе Мухика, познат по скромниот начин на живот и борба против потрошувачкото општество и социјалната неправда, официјално ја предава должноста на својот наследник исто така, левичар Табареу  Васкез.

И покрај големата популарност, Хосе Мухика (79) според уставот не можел да се кандидира за друг претседателски мандат.

Без разлика на политичката припадност, не е можно а да не бидете фасцинирани од Хосе „Пепе“ Мохија, кој уште го нарекуваат и сиромашен претседател , пишува  дописник на Би-Би-Си од Монтевидео.

Иако има идеалистички, вредни и чесни политичари ширум светот, ниту еден од них не бил ниту близу до заминувачкиот уругвајски претседател кога се работи за тоа дали живее по своите принципи.

Toa, како вели, не е само за претстава. Старата „фолксваген буба“ на Мухика веројатно е едно од најзачуваните возила на светот, иако неговата одлука да не живее во лукусузната претседателска палата не е единствена и веројатно и неговиот наследник Табаре Васкез исто така ќе одлучи да живее во својот дом.

Меѓутоа, кога ќе го посетите „Пепе“ во неговиот минијатурен дом во предградието на Монтевидео, ќе сфатите дека тој се држи до неговите зборови.

Во интервју за Би-Би-Си, Мухика е изненаден од тоа што луѓето се чудат на неговиот скромен начин на живот.

„Јас само живеам како повеќемината од мојот народ, не како малцинство. Живеам нормален живот, и италијанските, шпанските лидери треба исто така да живеат како народ, не треба да тежнеат кон копирање на богатите“, рекол Мухика, поранешниот левичарски герилец кој поминал повеќе од година дена во затвор во текот на десничарскиот режим во 1970 и 1980-тите години.

Мухика во својот мандат спроведе бројни важни социјално-економски закони како што се легализација на истополови бракови, легализација на марухуаната и право на абортус.

Хосе Мухика го напушта претседателското место со поволен рејтинг од 65 одсто, што го прави еден од најпопуларните претседатели во светот.

На хуманитарен план неговата влада почнала да ги прима сириските бегалци од граѓанската војна, како прва латиноамеричка држава која го сторила тоа.

Мухика ја остава државата со релативно здрава економија и социјална стабилност за која можат само да сонуваат неговите поголеми соседи, како што се Бразил и Аргентина.

Хосе Мухика и Табаре Васкез припаѓаат на генерацијата левичарски лидери кои владееле во многу земји во регионот.

Левичарот Табаре Васкез (74), кој ќе го замени Мухика, бил негов предходник.

Ја обавувал функцијата претседател на Уругвај од 2005 до 2010 година, како прв левичар на чело на таа држава.

Васкез бил убедлив победник на претседателските избори во ноември со 56,6 одсто од гласовите. Тој е првиот човек кој во Уругвај успеал да освои два претседателски мандата.