(ФОТО+ВИДЕО) Eве каде „удри“ Офелија и што направи
Објавено во: Свет 17 Октомври, 2017
Бурата Офелија денеска ги зафати Шкотска и Северна Англија, при што силен ветер уриваше дрвја, далноводи и направи метеж во сообраќајот.
Британската метеоролошка служба најави обилни врнежи и ветер со брзина до 113 километри на час во Шкотска, но се очекува до крајот на денот ветерот да ослабне.
Во 13 места во Британија се очекуваат поплави. Училиштата и продавниците се затворени. 135 летови се откажани, а 360.000 луѓе се без струја.
Во некои јужни делови на Норвешка, локалните власти алармираа утрово за мирис на чад, што според локалниот метеоролошки институт, Офелија го пренела дури од Португалија и Шпанија, каде шумските пожари деновиве однесоа 41 жртви.
Властите во Шведска објавија дека во Стокхолм и други шведски градови, локалните жители кажале дека небото утринава било помрачно од вообичаено.
Тоа веројатно се должи на силните ветрови кои носат мешавина од црвен сахарски песок и ситни честички од прашина од пожарите на Пиринејскиот Полустров.
Претставничката на Светската меторолошка организација, Клер Нулис, наведе дека овогодишната сезона на атлантските урагани е крајно невообичаена.
Нулис вели дека невообичаените високи температури во многу региони на Европа исто така се должат на Офелија. Ова е прв ураган кој по 1961 година ја погодува Европа.