Годишната инфлација во еврозоната е намалена за 1,3 отсто
Објавено во: Економија, Свет 31 Август, 2013
Европската статистичка агенција „Евростат“ објави дека цените во еврозоната во август на годишно ниво пораснаа за 1,3 отсто, а тоа значи дека годишната инфлација е намалена во однос на јули, кога цените на годишно ниво пораснаа за 1,6 отсто.
Во еврозоната во август, на годишно ниво, најмногу поскапеле храната, алкохолните пијалаци и цигарите за 3,3 отсто. Во јули нивните цени беа зголемени за 3,5 отсто.
Следат услугите чии цени во август се зголемени за 1,5 отсто во однос на ланскиот август. Во јули цените на услугите во еврозоната пораснаа за 1,4 отсто. Индустриските производи без енергијата поскапеа незначително за 0,3 отсто, по поскапувањето од 0,4 отсто во јули.
Според пресметката на „Евростат“ во август на годишно ниво поевтинила само енергијата за 0,4 отсто, по јулското зголемување од 1,6 отсто.