Грција и Русија кон финалната цел во преговорите за “Турски поток”
Објавено во: Економија 22 Мај, 2015
Преговорите меѓу Грција и Русија за проектот за гасоводот "Турски поток" се кон финалната цел . Ова го објави грчкиот министер за енергетика Панајотис Лафазанис, цитиран од агенциите.
Лафазанис истакнал дека ги започнале преговорите без да ги прашаат своите трансатлантски партнери, чии позиции ги изразувале само нивните интереси.
"Ние се раководиме само од нашите национални интереси", истакнал министерот.
"Кога ќе биде постигнат договор, Грција ќе се претвори во голем енергетски јазол, што ќе е во голема корист за буџетот и ќе ја намали цената на природниот гас за земјата", коментирал уште Лафазанис.
Министерот споменал за борбата против проектот од страна на "европски и атлантски кругови".
"Газпром" и турската компанија Botas потпишаа на 1 декември 2014 година меморандум за разбирање за изградба на морскиот дел од трасата на "Турски поток" од Русија кон Турција.
Тој треба да пренесува 63 милијарди кубни метри гас годишно, од кои до 47 милијарди кубни метри ќе бидат доставени во новиот гасен центар на турско-грчката граница.