Грција треба да плаќа додека може

Добивај вести на Viber

Грција ќе ги плаќа своите долгови кон меѓународните кредитори од ЕУ и Меѓународниот монетарен фонд (ММФ), додека може.

Тоа го изјавил владиниот портпарол Габриел Секаларидис само една недела пред да треба да се платат нови 300 милиони евра на доверителите.

„Додека сме способни да плаќаме, ќе ги вратиме овие долгови“, изјавил тој, цитиран од домашните медиуми.

„Обврска на Владата е да може да се вратат сите овие долгови ... Исто така обврска на доверителите е да бидат верни на (нивните) обврски по кредитите“, додал портпаролот.

Изјавата на Секаларидис доаѓа само ден откако министерот за внатрешни работи на земјата Никос Вуцис изјавил дека Грција нема да може да ги плати обврските кон ММФ, кои се предвидени за јуни. „Придонесите за ММФ во јуни (општо) се 1,6 милијарди евра. Овие пари нема да бидат дадени. Нема никакви шанси, за да бидат вратени. Тоа е познат факт“, изјавил тој.

Атина не ја исклучи и веројатноста да биде ограничен пристапот до банкарските сметки и слободното движење на капитал, ако наскоро нема пробив во комплицираните преговори со доверителите и државните пари завршат за враќање на долговите. Сакеларидис изјавила дека можноста за контрола на капиталот „едноставно не постои“.

Тој истакна дека Грција се соочува со итни проблеми на ликвидноста, и ќе ги пази „сите свои финансиски обврски“, „колку што е во состојба да плаќа“.