Добивај вести на Viber
Oд Партијата за целосна еманципација на Ромите реагираа на новото покачување на пензиите за 5 отсто и велат дека тоа е само манипулација на пензионерите.
,,Според Законот за пензиско и инвалидско осигурување, Фондот е должен два пати годишно да прави усогласување на пензиите, во првиот месец од годината и шестиот месец во годината. Тоа не е направено во 2014 и во 2015 година и тој процент изнесува 5 отсто. Тоа значи дека Владата не ги покачила пензиите, туку со тие 5 отсто што не направиле услогласување, еве сега ги покачуваат, Ова е доказ на уште една манипулација на Владата кон пензионерите, кон која се придружува и преседателот на пензионерите, Аргироски " - вели лидерот на ПЦЕР, Самка Ибраимоски.
Тој ги повика министерот за труд и социјална политика и директорот на Фондот за ПИОМ, да го демантираат доколку неговата констатација не е точна.