Иванов уште не се предомислува за мандатот, кризата го допира дното

Добивај вести на Viber

Македонија виси на работ над провалија. Од ден на ден станува се потензично на протестите кои ги организира иницијативата За заедничка Македонија, а шефот на државата ја слуша матичната партија и откако доби пораки и од Брисел да му го довери мандатот за формирање на влада на опозицискиот лидер, тој не се предомисли.

Денеска тече рокот и за распишување на локалните избори, а нема кој да ги распише.

За да се испочитува рокот денеска треба да продолжи конститутивната седница на парламентот која беше одржана на 30 декември и на која само беа верификувани мандатите на пратениците, а не беше избран претседател.

Претседателот на Собранието е тој кој што треба да ги распише изборите, а  тој треба да е изгласан од најмалку 61 пратеник од актуелниот парламентарен состав.

Меѓутоа, за денеска нема најави дека пратениците ќе влезат во Собранието.

Покрај најавите на опозицискиот лидер пред неколку дена, оваа можност не е исклучена.

Доколку претседателот Иванов не ја преиначи цврстата одлука за мандатот, тогаш СДСМ и партиите кои и дадоа потписи ќе влезат во Собрание, ќе изберат претседател на Законодавниот дом, влада и мандатар. 

Меѓутоа, по најновата политичка криза во која падна Македонија после декемвриските избори се е неизвесно.

Партиите победнички имаат различни ставови за прашања што понатака, па така ВМРО ДПМНЕ смета дека заедно со локалните треба да се распишаат и нови вонредни парламентарни избори, кои ќе бидат одржани во мај.

Ова барање Груевски го испорача откако не му појде од рака да договори коалиција со традиционалните партнери, ДУИ и Али Ахмети за формирање на нова влада.

Договор за поддршка на нова влада со албанските ДУИ и БЕСА успеа да постигне лидерот на СДСМ , на кој шефот на државата одби да му го предаде мандатот, бидејќи ја смета за неприфатлива „Тиранската платформа“.

Се работи за документ кој го потпишаа сите албански парламентарни партии, а со кој поддршката за состав на нова влада е условена со барањата кои на Албанците ќе им дадат многу поголеми права, што за Иванов и Груевски е неприфатливо.

СДСМ, пак смета дека Иванов не е клучна фигура и дека владата може да ја формира парламентот, доколку биде избран претседател.

ДУИ стои на ставот дека локалните избори не треба да се одложат, и дека рокот за нивното распишување треба да се испочитува.

Македонскиот устав, имено, дозволува Собранието со двотретинско мнозинство да може да го промени Изборниот закон.

Парламентот брои 120 пратеници. Најмногу, или 51 пратенички мандат има ВМРО ДПМНЕ , СДСМ има 49, ДУИ 10, па следат БЕСА и другите албански партии.

Зев прифаќајки ја албанската платформа успеа да обезбеди поддршка за формирање на нова влада со 67 пратеници, шест повеќе од неопходниот број.