Извозот на Македонија поголем за 11%
Објавено во: Економија 08 Август, 2015
Последните податоци на државниот Завод за статистика, покажуваат дека пораснала трговската размена на Македонија .
Во првите шест месеци од годинава, извозот пораснал за 11,4% во споредба со истиот период лани и неговата вредност изнесува 1,953 милијарди евра.
За 19,8 отсто зголемен е извозот на хемиски производи, а за 28,4 отсто е зголемен извозот на машини и транспортни уреди.
Истовремено, зголемен е и увозот во Македонија за 6,9 отсто, а покриеноста на увозот и извозот во првата половина од годината изнесувала 70,1 %.