Како Индија ќе ја надмине Кина и ќе стане нова суперсила?
Објавено во: Свет 09 Октомври, 2017
Индија е на пат да се претвори во новата економска сила во Азија, која ќе ја измести Кина, сметаат од Dеlоіttе. Кина и други азиски „тигри“ треба да се справат со населението кое старее, додека Индија нема таков проблем, пишува Блумберг.
Бројот на луѓе, кои се на возраст над 65 години во Азија ќе се зголеми од 356 милиони денес до над половина милијарда во 2027 година. Тие ќе бидат 60% од населението во светски рамки до 2030 година.
Индија пак даде старт на третиот бран на раст во Азија со население во работоспособна возраст, кое ќе достигне 1,08 милијарди луѓе во следните 20 години, споредено со 885 милиони денес.
„Индија ќе биде одговорна за повеќе од половина зголемениот број на работната сила во Азија во следната деценија.
Но не станува збор само за поголемиот број: новото поколение ќе биде подобро обучено и образовано од сегашното“, смета Анис Чакраварти, економист во Dеlоіttе Индија.
„Заедно со тоа има многу голем економски потенцијал“. И додека економистите сметаат дека „индиското лето“ ќе ја продолжи деценијата, земјата не е единствена во Азија, која ќе се радува на економски бум. Индонезија и Филипините исто така имаат приближно младо население, посочуваат од Dеlоіttе.
Условите за нив, како и за Индија, се создавани на правилна правна рамка. Економиите на Кина, Хонг Конг, Тајван, Кореја, Сингапур и Нов Зеланд ќе бидат засегнати од населението кое старее.
Австралија, која исто така треба да се справи со овој проблем има една предност: најмногу од сите останати е подготвена да прифати мигранти.
Како државите можат да се справат?
Од Dеlоіttе препорачуваат зголемување на возраста за пензионирање, повеќе жени на пазарот на труд, примање на мигранти и зголемување на образованието и квалификацијата, кое ќе ја зголеми продуктивноста.