Каква е состојбата на патиштата низ Македонија

Добивај вести на Viber

Поради остатоци од снег на коловозoт, забрана за движење на тешки товарни возила има на патниот правец крак Маврово – Дебар.

На патниот правец М.Брод-Прилеп Р-1303, поради оштетување на дел од мостот на Сланска река, воведена е забрана за сообраќај на тешки товарни возила и автобуси над 7т. На магистралниот пат Кратово кај.м.в. „Гардиште“ атар на с.Којково поради свлечиште на земја и камења сообраќајот се одвива по една коловозна лента за ПМВ додека за ТМВ истиот е забранет.

На 09.03.2015 година до 07,00 часот патот Р 291-75 кој ги поврзува с.Могила-с.Радобор, сообраќајот е во прекин бидејќи истиот е поплавен.

Во општина Крива Паланка, регионалните патни правци кон селата Огут и Луке, како и локалните патни правци кон селата во планинскиот дел, заради висината на снежната покривка (50 – 60 см) се непроодни. И локалниот пат кон село Дренак е непроден од с.Дурачка Река во должина од околу 7 км.

Во општина Ранковце, регионалниот патен правец кон с.Герман, поради новите врнежи од снег е непрооден. РЦУК – Скопје, ја пренесува информацијата од ЈСП Скопје во која се наведува дека автобусите на линијата бр.68, за с.Долно Коњари, сообраќаат до мостот на реката Пчиња, од каде патниците го преминуваат пеш, а на другата страна ги чека минибус.

Магла со видливост до 50м. има во Тетово.

На патниот правец Р1205 Крупиште – Пробиштип кај село Неокази сообраќајот се одвива со ограничена брзина од 20км/ч. поради слегнување на коловозот во должина од 20м. На самото место е поставена соодветна патна

Препорачуваме внимателно возење, прилагодена брзина на движење и почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, Кочани - Делчево, Виница - Берово каде е можна почеста појава на одрони.