КАКВО ЧУДО ЌЕ СЕ ГРАДИ ВО ДУБАИ? Зграда на 122 ката, висока 532 метри со највисоко поставен базен и шума
Објавено во: Економија 02 Октомври, 2024
Дубаи се подготвува да го изненади светот уште еднаш и да ги помести границите. Тоа ќе го направи со новиот облакодер наречен Тигар Скај Тауер. Зградата ќе има 122 ката и ќе биде висока 532 метри.
Она што ќе го направи посебен е највисокиот базен во светот опкружен со шума. Ќе се наоѓа на височина од 447 метри. Со тоа ќе го срушат рекордот што го поставија на почетокот на оваа деценија кога беше отворена зграда со базен на висина од речиси 300 метри.
Највисокиот ресторан во светот ќе биде сместен во зградата на Tiger Sky Tower.
Овој облакодер е наменет да собори дури пет рекорди.
Не само што ќе го има највисокиот базен во светот, туку и највисокиот базен во светот со т.н. бесконечниот раб.
Зградата ќе ја смести и највисоката шума во светот во една зграда.
Во шумата ќе се наоѓа највисокиот тобоган на светот кој ќе нуди поглед на зеленилото.
Се очекува да ја понесе титулата и на зградата со највисок кралски апартман, која ќе се наоѓа на 427 метри височина.
Највисокиот ресторан на светот ќе се наоѓа на височина од 439 метри.
Проектот го развива Tiger Properties. Тие најавија дека ќе биде ремек дело меѓу облакодери и симбол на луксуз и софистицираност.
Ќе се инвестираат милијарда долари, а зградата е веќе во изградба. Се очекува да биде завршен на крајот на 2029 година.
Форбс.рс