Кога ќе почне да се врти Панорамското тркало во Скопје?

Добивај вести на Viber

Панорамското тркало кое ќе ја чини државата 15,5 милиони евра треба да почне да се врти во 2019 година.

Изведувачот, ЈСП ја гради новата атракција во центарот на Скопје која ќе се протега на дијаметар од 57 метри и височина од 73 метри.

Локацијата на тркалото е  на нов пешачки мост на Вардар, во делот помеѓу Музејот на ВМРО и новиот театар.

Контроверзниот проект за изградба на Панорамското трклало треба да има и ресторан, кафе-бар, продавница за сувенири и билетарница, ќе има 30 гондоли и капацитет за 240 возрасни и 60 деца.

Финансирањето на проектот од Град Скопје во 2013 го презеде Јавното сообраќајно претпријатие – ЈСП откако Градот објави оглас за заинтересирани вложувачи, но практично зад финансирањето стојат јавни институции и државниот буџет кои како донатори треба да го снабдат скопското јавно претпријатие со дел од неопходните финансиски средства за претстојните градежни работи.

Во 2014 година, Агенцијата за електронски комуникации (АЕК) одлучи да му донира еден милион евра на ЈСП-Скопје како помош при изградбата.

Од опозицијата и денес велат дека ова тркало е непотребно, а економистите тврдат дека неговата изградба е економски неиздржана.

Многупати досега од партијата на Заев порачуваа дека подобро е парите да се вложатво очајната здравствена состојба, или да се пренасочат во покачување на минималната плата, но надлежните не се откажуваат од проектот.