КОЈ ГО ЗАБОРАВИЛ ВКЛУЧЕНО СВЕТЛОТО ВО МИНИСТЕРСТВОТО ЗА ЕКОЛОГИЈА - Груби лично проверувал дали министерствата штедат струја

Добивај вести на Viber

Првиот вицепремиер, Артан Груби синоќа правел обиколка на неколку министерства за да види дали штедат струја и се изгасени осветлувањата согласно препораките на Владата. Единствено забележал светло во министерството за екологија, па веднаш интервенирал и му се јавил на министерот Нуредни да реагира. Ги повика граѓаните по примерот на интитуциите максимално да штедат струја.

Но, како што веќе објавивме, додека тој ја даваше изјавата, службените автомобили на неколку од присутните постојано работеа.

Груби при посета на општина Арачиново на прашање на новинарите дали службените автомобили треба да работат додека тој дава изјави рече дека тоа не треба да се прави и повика да се пријави секое непочитување на мерките за штедење.

„Не знам кои автомобили работат, не сум возач, но секако дека не треба да работат. Сметам дека сите граѓани посебно и институциите треба да бидат пример за штедење и на електрична енергија и на сите државни ресурси. Ве повикувам секојдневно да ги проверуваме сите институции за тоа кои мерки за штедење ги применуваат согласно одлуките на Владата. И пред одлуката на Владата, Министерството за политички систем ги има исклучено сите надворешни и внатрешни осветлувања надвор од работното време“, рече Груби.