КРИТИКА ЗА АЛБАНИЈА: Ја обвинија дека не ги почитува правата на малцинствата
Објавено во: Балкан 20 Март, 2019
Во Албанија не се почитуваат правата на етничките малцинства.
Ова го изјави претседателот на Партијата за заштита на човековите права (ПБДНЈ), Вангел Дуле. Се работи за партија на грчкото малцинство во Албанија.
Вели дека тоа се потврдува и во последниот извештај на Советот на Европа, во кој се наведува дека правата на етничките малцинства во Албанија не се почитуваат и дека земјата се рангира меѓу земјите кои имаат најниски стандарди по ова прашање.
Тој смета дека е потребен искрен политички дијалог за подобрување на правната рамка за малцинствата.
„Во извештајот на Советот на Европа се наведуваат сите загрижености и критики на кои посочуваше Партијата за заштита на човековите права во политичкиот живот. Второ, извештајот дава жална оценка на реалноста дека во нашата земја не се почитуваат правата на малцинствата. Се обраќам на политичката класа дека на Албанија ѝ е потребен искрен дијалог за подобрување на правната рамка за малцинствата. Да се активираат сите инструменти кои ќе го овозможат овој дијалог“, изјави Дуле.
Смета дека Албанија е земја каде најмалку се почитуваат правата на малцинствата и дека е неопходно да се подобрат стандардите.
Претходно и Грција барала при пописот, Албанија да ги почитува малцинставата, но и ОБСЕ бараше подобар третман за малцинставата.Европската перспектива на Албанија зависи од нејзиното однесување, порача минатата година лидерот на грчката опозиција Киријакос Мицотакис.