Луѓето кои ги открија „бомбите“ во трка за европска награда заедно со Асанж
Објавено во: Македонија 22 Мај, 2018
Европскиот Параламент ги номинираше „свиркачите“ од Македонија, Златко Костовски и Ѓорѓи Лазаревски, двајцата поранешни вработени во УБК, кои открија дека повеќе од 20.000 политичари, министри, опоненети, новинари и бизнисмени се прислушуваат, за наградата за „Новинари, укажувачи и чувари на правото на информирање“.
Оваа награда за првпат ќе се додели во чест на убиената новинарка од Малта, Дафне Каруана Галиција која загина при експлозија.
Апликацијата ја поднеле од Транспарентност Македонија. Освен македонските „свиркачи“ , во тесниот избор за добитници на оваа награда се и: словачкиот истражувачки новинар Јан Куцијак кој беше убиен, основачот на Викиликс Џулијан Асанж, Мариа Ефимова, укажувач која откри корупција поврзана со политичарите во Малта и Рафаел Халет укажувачот за даночна евазија во Луксембург, поврзан со „Луксембург Ликс“.