МАРАТОНСКИОТ СПОР СЕ ПРЕФРЛА ВО ЊУЈОРК: Димитров, Коѕијас и Нимиц ја продолжуваат „потрагата“ по решение за името на Македонија!
Објавено во: Македонија 21 Мај, 2018
Преговорите на Македноија и Грција околу името ќе продолжат во четвртокот и петокот во Њујорк, најавија вчера од МНР.
Шефовите на дипломатиите на двете земји, Македонија и Грција, Никола Димитров и Никос Коѕијас, повторно ќе се сретнат со посредникот на ОН Метју Нимиц на 24 и 25 мај во Њујорк.
Новата рунда преговори следи после состанокот на македонскиот и грчки премиер Зоран Заев и Алексис Ципрас, во Софија, на кој како можно обострано прифатливо решение го утврдиле името „Република Илинденска Македонија“.
Владата на Македонија вчера потврди дека останува зад предлогот „Илинденска Македонија“ како решение кое ги задоволува двете страни, иако грчката влада претходно го отфрли тој предлог, инсистирајќи на географска или временска одредница согласно со предлогот на Нимиц.
Медијаторот Нимиц, во почетокот на годината, предложи пет имиња како опција за решение за сложено име -„Горна Макеоднија“, „Северна Македонија“, „Вардарска Македонија“, „Нова Македонија“ и „Република Македонија (Скопје)“. Потоа Македонија го отфрли предлогот со додаток „Нова“ а Грција името Скопје во заграда.
Владата на Македонија се надева дека после договорот со името би можела да добие датум за почеток на преговори за прием во ЕУ, додека во јули, на самитот на НАТО, се надева на повик за стапување во таа воена алијанса.
Мартонскиот спор на Грција со Македонија околу правата на името кое го носи и северната грчка покраина, ја блокира евроатланската интеграција на Македонија. Грција смета дека уставното име на Македонија имплицира територијални претензии, нешто што Македонија го негира.