МНР ЗА ИЗЈАВАТА НА КОСТАДИНОВ: Oчекуваме од официјална Софија да биде отфрлена како непримерна на духот и времето во кое живееме
Објавено во: Македонија 09 Јануари, 2025 15:48
Министерството за надворешни работи и надворешна трговија на Република Северна Македонија силно ја осудува објавата на претседателот на бугарска политичка партија Преродба, Костадин Костадинов, и актуелен пратеник во Народното собрание на Бугарија, со која изразува јасни територијални претензии кон нашата држава.
Велат дека таквите злонамерни изјави на официјални личности од бугарската политичка сцена се директен напад на суверенитетот, интегритетот и независноста на нашата држава, и истовремено се во директна спротивност со правилата и принципите на меѓународното право, немешањето на државите во нивните внатрешни работи и политиката на градење на добри меѓусоседски односи.
„Ваквата недолична изјава на Костадинов, очекуваме од официјална Софија да биде отфрлена како непримерна на духот и времето во кое живееме, европските стандарди кои силно ги почитуваме и спротивно на нашите залагања за обезбедување на траен мир, безбедност и просперитет во Европа и пошироко“, велат од МНР.
МНР потсетува дека градењето на добрососедски односи е клучен дел од политиката на Северна Македонија, како и од заедничките европски вредности што треба да ги почитуваат сите земји во регионот.
Лидерот на СДСМ, Венко Филипче веќе ја осуди изјавата на Костадинов, но повика и ЕУ да реагира.
Можеби ќе ве интересира
ОРЦЕ СЕ ЗАКАНИ: Ќе пристапиме кон опомени и изрекување на казни
ДО КРАЈОТ НА ГОДИНАТА УШТЕ САМО ЕДЕН СПОЕН ВИКЕНД: Тоа е последен неработен празник за годинава
ОРЦЕ ДАДЕ ОТЧЕТ ЗА ГЕНЕРАЛКАТА: Ја прогласи акцијата за успешна, собрани над четири и пол илјади тони отпад
УШТЕ ЕДНО ВЕТУВАЊЕ ЗА НОВ КЛИНИЧКИ: Алиу вели се разгледуваат три опции
ТУРСКИ ДРЖАВЈАНИН СИНОЌА УДРИЛ ВО КОНТЕЈНЕРИ И ИЗБЕГАЛ ОД МЕСТОТО: МВР го фати и му поднесе пријава
„НАРОДОТ НА ДУИ ИМ ГО ОДЗЕДЕ ПОЛИТИЧКИОТ КИСЛОРОД“: ВЛЕН за ДУИ
БАГЕРИТЕ ВТОР ДЕН НЕ МОЖАТ ДА ИЗЛЕЗАТ ОД ВАРДАР: Продолжува генералката во Скопје
(ВИДЕО) „ТОА БЕШЕ ПОСЛЕДНО ЗАТВОРАЊЕ НА ВРАТАТА: Потресно сведоштво на таткото на загинатата Надица во Кочани
