Добивај вести на Viber
Марио Јанески од општина Чаир опиша една интересна случка, на која бил сведок кога се поставувале имињата на загинатите партизани.
„Ги поставуваме имињата на загинатите партизани од Втората Македонска Ударна Бригада, поминува Чаирчанец - Албанец, во зрели години, подзастана со неговиот велосипед да види што правиме...брзо чактиса што и зошто правиме, и направи една чудна гримаса, на разочарување и восхит...
Потоа кратко ни дофрли...Вели, дедовците мои беа партизани, се бореа во Кичевско, едниот загина за жал, едниот прежиева..Само напред момчиња рече и си замина...
На момент си помислив, како успеавме од тоа да стигнеме до ова денес? Зошто сака некој да го избрише историското минато каде што Албанците и Македонците рамо до рамо се бореле против окупаторот? Кому му пречи соживотот на Албанците и Македонците? Па на терористичкото крило на УЧК, се разбира...Тие сонуваат за Голема Албанија...
Уште долго ќе го паметам тој поглед од вчера...Додека не се избориме за подобрите времиња, а ќе се избориме и ќе победиме!“, напиша овој млад човек на својот фејсбук профил.
Од Левица, пак, денеска, соопштија.
„Во предвечерието на официјалнатото преименувавње на улицата "Втора Македонска Ударна Бригада" во "Адем Демачи" со присуство на Албин Курти и албанската политичка елита, бевме во Чаир и токму на истата улица им ги поставивме имињата на сите загинати борци од Втората Македонска Бригада.
Улицата која ги славеше оние кои го дадоа животот во борба со фашистичкиот бугарски окупатор од утре ќе го слави Адем Демачи, сепаратист од Југославија и борец за Голема Албанија и независност на Косово, неколку пати осудуван на затворска казна во Југославија.
Нека им бодат очи овие имиња на оние утре кои ќе бидат на свеченоста по повод преименувањето на оваа улица, а на оние кои донесеоа ваква одлука, да знаат дека македонскиот народ не им заборава и простува.
Денес го бришат споменот од Улиците, Парковите, Спомениците, утре ќе посегнат и по учебниците и нашата историја“, напишаа Левица.