ИНФЕКТИВНА КЛИНИКА-МОЖНО Е ВЛОШУВАЊЕ НА СОСТОЈБАТА НА ЗАРАЗЕНАТА БОЛНИЧАРКА: Лекот за конго-кримската хеморагична треска е пристигнат во Македонија
Објавено во: Македонија 09 Август, 2023
Министерството за здравствство соопшти дека пациентката,
која се инфицираше во тек на својата работа, е стабилна со повремено покачена
температура, без други симптоми на болест.
Лабораториските анализи на крвта се следат дневно и се ординира терапија. Во наредните неколку дена, според можниот развој на болеста, очекуваме фаза во која може да се случи влошување на состојбата. Лекот кој е единствен на располагање во тешки клинички форми на болест е пристигнат во државата во тек на вчерашниот ден, во тек на вчерашниот ден беа реализирани и веб конзилијарни состаноци со колеги кои ја следат оваа болест во светот и имаат огромно искуство. Од вработените на Клиниката за инфективни болести кои беа под медицински надзор ниту еден до сега нема пријавено симптоми на болест. ВМРО ДПМНЕ, да изберат друго поле за политичко изживување а не здравството и Клиниката за инфективни болести, каде навистина се грижиме за животот во пракса а не само во празни реченици. Етика во работењето мора да има секаде па и во политиката, велат од МЗ.