На самит во Абу Даби: Ќе се развива пазарот за мобилни апликации во Македонија?!
Објавено во: Економија 04 Февруари, 2013
Заменик министерот за информатичко општество и администрација Марта Арсовска-Томовска учествува на осмиот Светски самит за мобилни содржини, кој се одржува во Абу Даби, соопштија од ресорното министерство, а како дел од големото жири, што го сочинуваат 50 еминентни членови од сите континенти, со значајно искуство на полето на креативни индустрии, телекомуникација, како и претставници од научно – истражувачката дејност.
Наградата на Светскиот самит (WSA – mobile content) ги селектира и промовира најдобрите мобилни содржини и иновативни апликации на светско ниво. Од 435 номинирани апликации во вкупно осум категории, во првата фаза беа избрани 40. Тие ќе ги презентираат своите решенија пред големото жири, кое ќе одбере по еден победник од секоја категорија кои ќе ја понесат престижната награда за „WSA – mobile шампион“ за 2013 година.
Како што соопштија од Министерството, заменик министерката имала работен ручек со шеикот Нахјан Мубарак Ал Нахјан, министер за високо образование и научни истражувања на Обединетите Арапски Емирати, каде било разговарано за можностите за билатерална соработка помеѓу двете земји во образованието и истражувањата, но и за активностите на македонската Влада за привлекување странски инвестиции во областа на технологијата, земјоделството и енергетиката. Во рамки на глобалната конференција, заменик министерката ќе има излагање на сесијата за мобилни иновации, во кое ќе се осврне на улогата на Владата во создавање услови за развивање на пазарот за мобилни апликации во Република Македонија.На Самитот учествуваат претставници од владиниот, приватниот и граѓанскиот сектор од повеќе од 168 држави, членки на Обединетите Нации.
Можеби ќе ве интересира
ССМ НАЈАВИ ПРОТЕСТ ЗА 1 МАЈ: Бараат минималецот да изнесува најмалку 450 евра
„ДОЈЧЕ БАНК“ ГИ ИЗНЕНАДИ АНАЛИТИЧАРИТЕ: Ја објави нето добивката
НОВИ ПРОБЛЕМИ ЗА „БОИНГ“: ќе плати 443 милиони долари на авиокомпаниите за приземјувањето на авионите Max 9
ДАЛИ Е ОВА НАЈВИСОКАТА НЕТО ДИВИДЕНДА? Изнесува 35 евра за акција, а приносот е 7 отсто
Економската зона Ченгду-Чонгкинг е еден од главните мотори на идниот економски раст на Кина
САКАТЕ УСПЕХ ВО КАРИЕРАТА: Вмрежувајте се и ширете ги контактите
ПРОФИТОТ НА ТЕСЛА ПРЕПОЛОВЕН: компанијата ја губи трката од кинеските конкуренти
СВЕТСКИ ПОЗНАТА КОМПАНИЈА ТУЖИ АМЕРИКАНСКИ „ЏИН“: Им го украдоа заштитниот знак на моделите на спортска облека
„ПРИЛЕПСКА ПИВАРНИЦА“ ЌЕ ДЕЛИ ДИВИДЕНДА ОД ВКУПНО 714 ИЛЈАДИ ЕВРА - од пиво добро се живее во Македонија
