Најденото е телото на момчето по кое се трагаше во Глажња
Објавено во: Македонија 03 Август, 2023
Директорот на Центарот за управување со кризи (ЦУК), Стојанче Ангелов потврди дека телото на давеникот во вештачкото езеро Глажња околу 15 часот е пронајдено и извлечено по 6 дена од исчезнувањето.
Во потрагата по 29-годишното момче кое исчезна во водите на Глажња на 29 јули беа вклучени шест нуркачи од Тигрите и осум нуркачи од Волците кои и денеска го пребаруваа езерското дно.
„По петдневна потрага нуркачите од армиските специјалци Волци и полициските Тигри го пронајдоа телото на 29 годишното лице кое пред 6 дена исчезна во водите на вештачкото езеро Глажња во липковскиот регион“, рече Ангелов.
Истовремено неколку тимови на ДЗС, како и нуркачи на ДЗС пребаруваа и под вода и на брегот на езерото. Учествуваа и полицајци од СВР Куманово.
Во потрагата беа употребени подводни дронови и друга опрема за вакви ситуации. Момчето е од селото Никуштак.
фото ЦУК