Намалување на платите, повисоки рати на кредитите: Како ќе се спасува економијата?

Добивај вести на Viber

Каква ќе биде 2015 та година? На ова прашање и економистите и монетарните власти имаат речиси идентилен став, дека ќе продуцира големи проблеми во економијата. Политичката криза е толку голема што не може да не се преслика во економијата. „2015 требаше да биде една од подобрите економски години, бидејќи таа доаѓа по две години во кои остваривме солиден економски раст. По нашите проекции, тој раст требаше да продолжи уште посилно во 2015 година со раст на БДП од 4,1 отсто и тоа не беше само наше видување, тоа беше видување и на Европската комисија и на ММФ и на останатите меѓународни финансиски институции коишто прават проекции за македонската економија. Тој тренд за жал е доведен во опасност поради случувањата на политичката сцена во последните неколку месеци и може да биде загрозено тоа остварување коешто беше доста извесно“ вели гувернерот на НБРМ Димитар Богов во неделното интервју на Радио Слободна Европа. [button color="red" size="big" link="http://faktor.mk/2015/05/23/non-sens-ili-zoshto-ne-treba-da-rastat-kamatite/" target="blank" ]Нон-сенс, или зошто не треба да растат каматите[/button] Кризата според него ќе значи помалку инвестиции, создавање помалку работни места, можеби и намалување на плати, ако дојде до таква ситуација да имаме повисоки каматни стапки, сите коишто имаме кредити ќе имаме поголеми рати за плаќање, исто така бизнисите ќе имаат поголеми рати за плаќање, вели гувернерот Богов. “Политичката криза ќе влијае врз економскиот раст преку повеќе канали. Најсилен ќе биде ударот врз странските директни инвестиции. Таа ќе се рефлектира на тој начин што најпрво ќе има воздржаност од нови инвестициски вложувања а оние кои веќе донеле одуки за инвестирање, плановите би ги одложиле за некое идно време. Вториот канал преку кој ќе се одрази кризата се домашните инвеститори и каиталните инвестиции, и тука ќе има водржана економска активност“, објаснува економистот Благица Петревска од Асоцијацијата за економски истражувања. Според неа граѓаните ќе се воздржуваат од купување на трајни добра, како станови и недвижности, што значи намалена потрошувачка а можно зголемено штедење поради вкупната неизвесност. „Многу важен сегмент ќе биде и Буџетот, односно неговото идно менаџирање. Имено, се наметнува потреба од ребаланс во состојба кога буџетските приходи не се со планираното темпо а од друга страна се најавени нови трошења што претходно не биле планирани. Ребалансот на буџетот ќе води во две насоки – или сериозно кратење на трошењата за да се одржи зацртаниот буџетски дефицит или одржување на планираните трошења пред продлабочување на буџетскиот дефицит, што пак значи нови задолжувања. Сметам дека е непоходно да се скрати од оние непланирани и непродуктивни трошења кои вршат притисок на буџетот“, вели Петревска. Македонија, од економска оаза - до економски колапс!