Добивај вести на Viber
Невреме проследено со силен дожд и грмотевици, попладнево го зафати Скопје. Циклонот, кој неколку дена кружи над балканскиот регион, ја зафати и Македонија.
Според прогнозите интензивни врнежи од дожд се очекуваат и во источните делови на земјата, каде локално ќе наврнат и до 35 литри на метар квадратен.
Циконот синоќа предизвика големо невреме во Србија, каде обилните дождови повторно ги вратија стравувањата од нови поплави.
Под влијание на циклонска активност и утре во Македонија се очекува променливо облачно и нестабилно време, на повеќе места со пороен дожд и грмежи. Во сабота ќе биде претежно стабилно, а попладне ќе има услови само за изолирана појава на краткотраен дожд, особено во планинските подрачја. Стабилно и многу топло ќе биде во недела и понеделник.