НОВА ФУНКЦИЈА ЗА ЕДЕН ОД ЧЛЕНОВИТЕ НА КОМИСИЈАТА ЗА ПОМИЛУВАЊЕ - Кадири Шахиновиќ ќе ги советува и во ФФМ
Објавено во: Македонија 27 Октомври, 2024
Арлинда Кадри Шахиновиќ, член на Комисијата за помилување, која ја тресе голем скандал во изминативе неколку дена, била ангажирана и во Фудбалската федерација на Македонија, објави Нетпрес.
Како што пренесуваат Кадри Шахиновиќ, добила ангажман во ФФМ наводно лично од претседателот Муамед Сејдини. Според засега непотврдени информации, нејзиниот хонорар изнесувал 30.000 денари месечно. Според нивни извори велат дека Арлинда Кадри Шахиновиќне била изгласана на Управен одбор на ФФМ, туку Сејдини тоа го направил со одлука на Комитетот за итност. Таа ја извршувала функцијата Претседавач на Комисијата за жалби во ФФМ.
- Во исто време, додека имала ангажман во ФФМ, Арлинда Кадри Шахиновиќ била избрана и за професор на приватниот МИТ Универзитет.
Претходно, пак, Арлинда Кадри Шахиновиќ предавала на Факултетот за правни и политички науки на ФОН - пишува Нетпрес.
Инаку вчера прфесорот Гордан Калајџиев, ги посочи причините поради кои донеле одлука за помилувањето припадник на нарко кланот „Барон“ од скопско Арачиново. Исто така во текот на вчерашниот ден тој како претседател на Комисијата за помилување, објави дека тој и сите членови поднеле колективна оставка.
Фото: Принтскрин/Фон