Нови фасади и доградби на булевари во Скопје

Добивај вести на Viber

Објектите на булеварите Теодосиј Гологанов и Борис Трајковски ќе се  доградуваат и ќе претрпат реконструкција на фасадите, ова е предвидено со Предлог Програмата за измена и дополнување на програмата за реконструкција и доградба на објекти во Централното градско подрачје на градот Скопје. За овој предлог советниците од Градот Скопје треба да расправаат на закажанат аседница за следната недела. Засега не е познато какви доградби ќе се вршат, ниту во кој стилски правец ќе се реконструираат фасадите на објектите. Образложанието од Градот Скопје е дека фасадите на објектите кои наоѓаат на овие булевари се оштетени изатоа ќе мора да се реконструираат.Не е познато ниту колку ќе чини нивната реконструкција и доградба, едниствено е познато дека дел од парите ќе се обезбедат од Буџетот на Град Скопје а дел од капитални трансфери од Министерството за култура. -Измена и дополнување на Програма за реконструкција и доградба на објекти во Централното градско подрачје на Град Скопје е потребна заради зголемениот обем на активности на територијата на градот Скопје што произлегува од фактичката состојба на објектите на улица Теодосиј Гологанов и булевар Борис Трајковски. Заради нивната состојба има протеба од реконструкција и доградба на објектите. Објектите се со оштетени фасади, а кај некои од нив е потребна и санација на конструктивниот систем.Реконструкцијата на фасадите и реконструкцијата и доградбата на објектите се предвидува да се реализира на објектите на улица Теодосиј Гологанов и булевар Борис Трајковски за кои има потреба, стои во образложението на Град Скопје. Минатиот месец Градот Скопје објави три повици за избор на идејно решение за реконструкција и доградба на фасадите на вкупно шест објекти. Изведба на „стилизирана“ фасада од проектот „Скопје 2014“ го чека објектот на „Трготекстил“ кај трговскиот центар „Рамстор“, зградата на „Технометал“ и уште две други градби на плоштадот „ВМРО“, како и двата објекти лоцирани помеѓу „Сити галери“ и Градскиот трговски центар на плоштадот „Македонија“. Вкупната сума за реконструкција на фасадите е околу 3 милиони евра. Објектот „Стар Метропол“, во центарот на Скопје, не само што ќе има барокна фасада, туку ќе претрпи и доградба. Претходно пак, Советот на град Скопје го утврди изгледот на фасадите на уште 15 други објекти во центарот на градот на улиците „Македонија”, „Димитрие Чуповски” и „Даме Груев”. Од опозициската СДСМ тогаш обвинија дека барокните фасади ги чинат граѓаните 50 милиони евра. Инаку според годишниот извештај на Градот Скопје лани за реконструкција на фасади од градската каса се потрошиле над 4,5 милиони евра.Годинава во Буџетот на Град Скопје стои дека за Проекти за реконструкција и доградба на објекти и фасади се предвидени над 5,6 милиони евра а за одржување на фасади и објекти 65 илјади евра. Т.С