„ПО ЃАВОЛИТЕ, ИМБЕЦИЛИ, ЌЕ НАПРАВАТ ВОЈНА ПРЕД ТАТКО МИ ДА ДОБИЕ ШАНСА ДА ПОСТИГНЕ МИР“: И Трамп Џуниор за одлуката на Бајден

Добивај вести на Viber

Откако Њујорк тајмс објави информација дека американскиот претседател Џо Бајден одобрил Украинците да користат ATACMS за длабоки напади на руска територија, реакциите не стивнуваат.

Меѓу првите земји кои реагираа беше Кина.

„Кина се спротивставува на какви било чекори кои би можеле да доведат до ескалација на украинскиот конфликт и ескалација на тензиите. Позицијата на Кина за украинската криза е конзистентна и јасна. Кина е посветена на унапредување на мировните преговори и се спротивставува на сите чекори кои би можеле да доведат до ескалација на тензиите и ескалација на состојбите во регионот“, изјавија тие. Тие порачаа и дека овој потег не придонесува за намалување на тензиите.

Синот на Трамп: „По ѓаволите, имбецили“

Најблиските луѓе околу новоизбраниот претседател на САД, Доналд Трамп, исто така ја коментираа одлуката. Илон Маск, кој во мандатот на Трамп ќе го води Одделот за ефикасност на американската администрација, се вклучи во дискусијата на социјалната мрежа X. На статусите во кои се наведува дека „либералите ја сакаат војната“ Маск напиша „вистина“.

Одлуката на администрацијата на Бајден ја коментираше и синот на Доналд Трамп, кој остро го критикуваше овој потег.

The Military Industrial Complex seems to want to make sure they get World War 3 going before my father has a chance to create peace and save lives.
Gotta lock in those $Trillions.
Life be damned!!! Imbeciles! https://t.co/ZzfwnhBxRh

— Donald Trump Jr. (@DonaldJTrumpJr) November 17, 2024

„Изгледа дека воено-индустрискиот комплекс сака да се погрижи да започне Третата светска војна пред татко ми да добие шанса да постигне мир и да спасува животи. Тие треба да заштедат трилиони долари. Проклети да сте, имбецили“,напиша Доналд Трамп Џуниор.