13 Јуни, 2024
0.0239

ПОЛЕКА ГО ПЛАЌАМЕ ДАНОКОТ: Катастрофално влијание на климатските промени- се намалува производството на вино

Објавено во: Анализа 08 Ноември, 2023

Добивај вести на Viber

Производството на вино во светот годинава се очекува да падне на најниско ниво во последните 60 години, поради лошата жетва во јужната хемисфера и кај некои големи европски производители, соопшти Меѓународната организација за винова лоза и вино (ОИВ).

Во првичните проекции, ОИВ го одреди светското производство на вино, без сокови и шира, помеѓу 241,7 милиони и 246,6 милиони хектолитри, со очекување во просек од 244,1 милиони хектолитри.

Во соопштението за медиумите се посочува дека проценките се за седум отсто помали од лани и најмали од 1961 година, кога проценката беше 214 милиони хектолитри. Волуменот на еден хектолитар е еднаков на количината од 133 стандардни шишиња вино.

Винарите во престижниот француски регион Бордо ќе преораат илјадници хектари лозови насади поради променливите навики на потрошувачите и глобалното затоплување што погоди еден од скапоцените камења на земјоделската индустрија во земјата.

Од друга страна, јапонската компанија за производство на пиво Асахи пред неколку месеци предупреди дека климатските промени може да доведат до недостиг на пиво, бидејќи потоплите температури влијаат на залихите на јачмен и хмељ низ светот.

Според сценариото на ОН за глобално зголемување на температурата за четири степени Целзиусови, жетвата на јачмен во Франција би можела да се намали за 18 отсто до 2050 година, додека жетвата во Полска би се намалила за 15 отсто. Квалитетот на хмељот, кој е клучна компонента за зачувување, како и вкусот на пивото, би паднал за 25 отсто во Чешката Република, еден од најголемите светски производители на хмељ.

Според последните анализи на телото на ОН за следење на глобалните напори за ограничување на затоплувањето, светот се движи кон пораст на температурата до 2,6 степени Целзиусови. 


Можеби ќе ве интересира

ДАЛИ И ВАС КАКО РАБОТНИК ВЕ НЕРВИРА ОВА? Работниците од регионот конечно одговорија што ги нервира на работното место

ДАЛИ И ВАС КАКО РАБОТНИК ВЕ НЕРВИРА ОВА? Работниците од регионот конечно одговорија што ги нервира на работното место