ПОПУЛАРЕН АМЕРИКАНСКИ ЛАНЕЦ ЗА БРЗА ХРАНА ДОАЃА ВО СОСЕДСТВОТО: Работи во повеќе од 30 земји, сега ќе го имаме во близина

Добивај вести на Viber

Американскиот ланец за брза храна инспириран од мексиканската кујна „Тако Бел“ наскоро влегува и на српскиот пазар.

„Тако Бел“ минатиот месец го отвори својот прв ресторан во соседна Босна и Херцеговина. Ексклузивната франшиза за „Тако Бел“ во БиХ, како и во осум земји од регионот, ја има сараевската компанија „Тастра Бел“.

Во мај годинава „Тастра Бел“ основа своја филијала во Србија, со седиште во деловниот дел на Нов Белград.

Според неофицијални информации на N1, во тек се подготовките за отворање на првиот ресторан „Тако Бел“ во Србија, а една од првите локации треба да биде во населбата Белград на вода.

Дека „Taco Bella“ се приближува на пазарот во Србија, е потврдено и на Инстаграм профилот на овој популарен ланец за брза храна за Босна и Херцеговина. Имено, на прашањето на еден корисник дека во Белград нема таков ресторан, тие кратко одговориле: „Наскоро!“

Гледајќи го Регистарот на национални интернет домени на Србија (RNIDS), може да се забележи дека претставништвото на „Taco Bella“ во Босна и Херцеговина во март оваа година го регистрираше интернет доменот tacobell.rs.

„Taco Bell“ е глобален ланец на ресторани за брза храна што нуди тако, бурито и други специјалитети инспирирани од мексиканската кујна.

Овој ланец ресторани е дел од корпорацијата „Yum! Brands“ (KFC, Pizza Hut...) и работи во повеќе од 30 земји низ светот.