Породилното за близнаци или тројки ќе трае 15 месеци!

Добивај вести на Viber

Породилното боледување за мајките кои ќе родат близнаци или тројки ќе трае 15 месеци, и ќе се исплаќа одеднаш најави премиерот на трибината во Охрид. Ова е една од новините што ги најавува Владата, која веќе е усвоена на една од последните владини седници. Инаку на трибината се најавија и други измени кои го олеснуваат водењето на бизнисот, но имаат и други финансиски реперкусии, како што е најавата за зголемување на платите на информатичарите. Најави за простување на долговите има за неплатените придонеси за пензиско и инвалидско осигурување. Тие ќе можат да се платат  на рати, на најмногу 24 месеци, а каматите можат во целост да им  бидат простени. Станува збор за оние кои имаат  долг за неплатени придонеси  за пензиско и инвалидско осигурување до 31 декември 2008 та . Тие ќе можат да го платат долгот на рати а ќе бидат целосно ослободени од плаќање камата. За оние пак што имаат долг на неплатени придонеси кон ПИОМ од 1 јануари 2009 до 31 декември 2014 та ќе бидат ослободен со 70% од каматата, ако долгот го платат на 12 рати. Ако пак долгот го плаќаат две години, ќе им биде простена половина од каматата на долгот. Тука прочитајте: ВЕТУВАЊА: има ли од каде да се обезбедат пари?