Посетата на Меркел ќе го засени националниот празник

Добивај вести на Viber

Првата посета на германската канцеларка Ангела Меркел и огромниот интерес за нејзиното доаѓање во Македонија пред референдумот на 30 септември би можело да го засени празнувањето на националниот празник 8 Септември - Денот на независноста.

Меркел ја предводи германската владина делегација во официјална посета на земјава, која претпладнево ќе има свечен пречек на платото пред Владата на РМ. По заедничката средба премиерот Зоран Заев и германската канцеларка ќе имаат заедничка прес-конференција. 

- Совпаѓањето на посетата на Меркел со македонскиот државен празник 8 Септември само по себе зборува за симболиката, изјави претходно оваа недела владиниот портпарол Миле Бошњаковски. Портпаролот на германската Влада Штефен Зајберт, пак, најави дека Меркел ќе дојде во Скопје за од прва рака да формира впечаток за претстојниот референдум. 

Инаку, Централната прослава по повод Денот на независноста ќе се одржи дури вечер со забава на отворено во дворот на Владата. Најмладите со нивните семејства ќе се забавуваат со програмата што за нив ја подготвува Петко и 5+ Бенд. Во забавно-музичкиот дел за возрасните ќе настапат Огнен Узуновски-Оги со диџеј сет, оркестарот на Македонската филхармонија заедно со Тамара и Тијана кои ќе ги изведат најубавите македонски евергрини. Ќе настапат Македонската филхармонија и маестро Џијан Емин со проектот „Оригинатор“ на продуцентот на електронска музика,