Прва меѓународна конференција на Сеславјански Комитет
Објавено во: Мои пари 22 Мај, 2016
Под името "ТАЈНИ НА СЛОВЕНСКАТА ПИСМЕНОСТ", во Охрид, од 23-ти до 27-ми мај, 2016-та, ќе се одржи Сесловенска меѓународна научна коференција на славјанската писменост, во организација на Сеславјански Комитет, а во соработка со Меѓународниот Славјански Универзитет "Гаврило Романович Державин", Свети Николе.
Покровител на Сесловенската меѓународна конференција 2016та, е Претседателот на Република Македонија д-р Ѓорѓе Иванов. Посветена на денот на сесловенските просветители Кирил и Методиј, 24-ти мај, а во чест на одбележување на 1100 години од упокојувањето на Свети Климент Охридски, еден од основоположниците на словенската писменост, Сесловенскиот Комитет за прв пат одржува меѓународна конференција во Македонија, во Охрид – градот светилиште на словенската писменост и духовност. На конференцијата, како предавачи ќе земат учество професори по славистика и Богословија од Русија, Украина, Полска, Чешка, Словачка, Бугарија и Македонија - како земја домаќин. Покрај главната тема која е носител на името на оваа мегународната конференција - Тајни на словенската писменост, во рамките на конференцијата ќе се одржи седница на Сесловенскиот Комитет. Сесловенскиот Комитет е меѓународна невладина организација, член на Сесловенскиот Сојуз – светско движење на славјанските народи за духовно единство и взаемност. Основана е во 2011та година со седиште во Република Чешка. Претседател на Сесловенскиот Комитет е проф. д-р. Зденек Опатрил, кој е воедно и заменик-претседател на Сеславјанската асоцијација и почесен претседател на Чешко-моравската словенската унија.
„За нас е од исклучително значење што оваа конференција ќе ја одржиме во светата земја на словенската писменост и духовност", рече на пристигнувањето во Охрид престедателот на Сесловенскиот Комитет, д-р Зденек Опатрил, додавајќи". Морам да споделам дека со посебна чест и возбуда стапнуваме на оваа земја на сесловенските просветители Светите Кирил и Методиј и Свети Климент. Како славјански народи имаме обврска кон нив и кон идните генерации да ги чуваме и негуваме спецификите и богатствата на славјанската култура, а тука е пред се писменоста и духовноста. Овие денови не чека многу работа и сите се радуваме на сознанијата што ќе ги споделиме, а кои од научните кругови ќе ги збогатат и сознанијата на јавноста.
Можеби ќе ве интересира
Мило ми е што НЛБ ја препознаа и поддржаа нашата идеја, средствата ќе бидат наменети во нудење и промоција на бесплатна хипотерапијата низ цела држава: Мариа Дуда за „Кантрисајт Ретрит“
Со нашиот проект „Заедно во инклузивна заедница“ заслужуваме титула регионален победник на „Рамката за помош“ за 2024 на НЛБ Групацијата: Александар Стојановски - Здружение Во Мојот Свет
Со задоволство Ви го преставуваме ГРАНД СКОПЈЕ, како PRIME SPONSOR на Конференцијата за комерцијални недвижности во Скопје, Македонија
Дали ја знаете играта Царица? Можеби ја знаете ама во вашиот град има друго име
Подобрени резултати во првиот квартал поттикнати од извозот и ефектот од вреднување на залихите во услови на зголемени меѓународни цени на горивата
Државната изборна комисија го заокружи едукативниот караван „ТИ СИ НА РЕД“ во битолскиот и тетовскиот регион
СУПЕР МИЛИОНЕР ЏЕКПОТ НА ВИДЕОЛОТАРИЈА КАСИНОС АВСТРИЈА Е ВО ЗОНА НА ПАЃАЊЕ
Посета во Бимилк: 200 деца од градинката „Пролет“ го научија патот на млекото
