Пукал од шумата во близина на автопатот - потера по вооружен маж кој нападна луѓе во Кентаки

Добивај вести на Viber

Во тек е потера по вооружениот маж кој по случаен избор пукал во луѓе на автопат во Кентаки, при што рани неколку лица.

Полицијата го идентификуваше осомничениот како Џозеф А. Кауч и ја предупреди јавноста дека е вооружен и опасен.

Се претпоставува дека осомничениот отворил оган од шумска површина или од надвозник. Повредените се во стабилна состојба.

Локалните власти ги предупредија граѓаните да останат во своите домови и да ја избегнуваат областа во близина на автопатот, додека потрагата по напаѓачот е во тек.

„Немаме поим каде е сега“, соопшти полицијата. Полицијата проценува дека четири до пет лица имаат прострелни рани.

Локалната полиција објави црно-бела фотографија од 32-годишниот белец Џозеф А. Кауч, означувајќи го како „лице од интерес“ за кое се верува дека е вооружено и опасно, барајќи од секој кој има информации за неговата локација да контактира со полицијата.

Полицијата во Кентаки го пребарува нерамниот терен во близина на националната шума по осомничениот кој застрелал и ранил најмалку седум лица во возила на меѓудржавната, соопштија властите во саботата вечерта. 

Инцидентот се случил околу 18 часот по локално време, а полицијата била известена за истрели во повеќе возила на Interstate 75 во близина на градот Лондон во округот Лорел.

Според локалните медиуми, истрелите дошле од шумско подрачје или од надвозник.

Рандал Ведл, градоначалникот на Лондон, мал град со околу 8.000 жители во близина на националната шума Даниел Бун, на околу 145 километри јужно од Лексингтон, во објава на Фејсбук рече дека седум лица се повредени, вклучително и некои кои биле застрелани. 

Тој рече дека во моментов нема смртни случаи. Полицијата не даде повеќе детали за бројот или природата на жртвите.

Фото: Принтскрин/Твитер