РАСТАТ ТРОШОЦИТЕ ЗА ЖИВОТ: Јадеме ли поскапа храна?

Добивај вести на Viber

Се зголемуваат трошоците за живот во Македонија. 

Индексот на трошоците на животот во октомври 2018 година, во споредба со октомври 2017 година, забележа пораст од 1.5 %, а индексот на цените на мало забележа раст за 2.7 %.

Oва го покажуваат податоците на Државниот завод за статистика. 

Пораст на индексите на трошоците на животот во октомври 2018 година, во споредба со претходниот месец, има кај свежиот и разладениот зеленчук, освен компирот и другите коренести плодови за 4.3 %, сушениот зеленчук, другиот конзервиран и преработен зеленчук за 1.8 %, замрзнатото овошје за 1.1 %, другите прехранбени производи за 0.8 %, рибата и морските плодови за 0.7 %, трбушките, јогуртот за 0.5 %, конзервираното овошје за 0.4 %, лебот и житата и алкохолните пијалаци за 0.2 %.

Во октомври пораст на индексите на трошоците на животот имало и кај гасот за домаќинствата за 6.6 %, течните горива за домаќинствата за 6.0 %, течните горива и мазива како дел од опремата за сопствени сообраќајни средства за 4.4 %, обувките, услугите за сместување за 2.7 %, ветеринарните и другите услуги за домашни миленици за 1.4 %, туристичките пакет-аранжмани за 1.1 %, лековите за 0.8 %, облеката за 0.7 %, цврстите горива за 0.5 %, дисковите, касетите, дискетите, цедеата, филмовите за 0.4 %, услугите за култура за 0.3 %, другите медицински производи, информатичката опрема, накитот и часовниците за 0.2 %.

Намалување на индексите на трошоците на животот во октомври 2018 година, во споредба со претходниот месец, е регистриран кај свежото и разладеното овошје за 6.0 %. Кај сувото овошје и јаткастите производи има намалување за 3.5 %, маслото и маснотиите зa 1.8 %, другите преработки од месо за 0.5 %, месото, сирењето и урдата за 0.2 %.

Намалување на индексите на трошоците на животот е забележано и кај средствата за чистење и одржување на станот за 1.4 %, телефон и телефакс-опремата за 1.3 %, авионскиот превоз на патници за 1.1 %, парамедицинските услуги за 0.9 %, фотографската и кинематографската опрема и оптичките инструменти, домашните миленици и сродни производи за 0.4 % и големите електрични апарати за домаќинствата за 0.3 %.