„СЕ БУНИТЕ А ПОЛА МАКЕДОНИЈА Е СО БУГАРСКИ ПАСОШИ“: Станишиќ во одбрана на Цеца за бугарското знаме

Добивај вести на Viber

Победникот на „Ѕвездите на Гранд“, Никола Станишиќ се јави во одбрана на пејачката Светлана Цеца Ражнатовиќ, која во Велес го разви бугарското знаме и наиде на свирежи и негодување од публиката.

„Се разбудив со мисла за оние кои повеќе не се со нас, на Задушница во нивно име да ги спомнеме.. Ама денот сакал поинаку.. Жената која ми помогна да го отсонувам сонот вчера во Велес била изманипулирана и тоа од свој верен фан, девојка која доаѓа на сите нејзини концерти. Како и зошто, тоа е друго прашање. Задачата на музиката е сите да не сплотува Македонци, Срби, Бугари, Грци… сите сме луѓе на светов! Не дозволувајте политиката да влијае на здравиот разум! И едно знам дека Цеца не би го направила тоа намерно тоа е сигурно. Додека се радував на сцената по победата на Звездите на Гранд таа иста жена, со мене заедно ја пееше БИСЕР БАЛКАНСКИ и го вееше МАКЕДОНСКОТО знаме. Луѓе доста е! Престанете да ги користите уметниците во политички цели! Тие се тука да ви го разубават животот! Се буните сите а пола Македонија е со БУГАРСКИ ПАСОШ. Срамота!! Вака да се буневте коа ни го менуваа името, или пак да ги поддржевте родителите на настраданите од кочани додека се бореа сами пред институции ќе беше се многу поубаво… ама таков народ сме ние знаеме само да коментираме и да бидеме “јаки” само на коментари и на тастатура“, реагира тој. 

Концертот на српската пејачка Цеца Ражнатовиќ, кој се одржа вечерва во Велес, заврши со инцидент што ја вознемири публиката.