СЕ ОГЛАСИ ДИРЕКТОРОТ НА ПАЗАРНА: Никој што нема да ја почитува владната одлука нема да биде поштеден, а граѓаните да не се грижат - лебот ќе им биде достапен

Добивај вести на Viber

Доцна синоќа се огласи директорот на Државниот пазарен инспекторат, Горан Трајковски.

Тој упати смирувачки тонови до граѓаните, нагласувајќи дека не треба да се грижат и дека лебот чија цена Владата ја замрзна, ќе им биде достапен.

Тој вели дека инспектоите се на терен и секој што не ја почитува одлуката, ќе биде санкциониран.

Вчера 189 инспектори излего на терен.

Ова следува по владината одлука да ја замрзне цената на белиот леб на 33 денари, по што пекарите од вчера ј реализираа својата закана и престанаа да месат леб и да ги снабдуваат маркетите во земјава.

„Недозволиво е основен производ да не им биде достапен на граѓаните! Затоа апелирам да се почитува Одлуката на Владата за замрзнување на цената на лебот, а граѓаните нека бидат без грижа затоа што лебот кој е опфатен со Одлуката ќе им биде достапен.

И вечерва инспекторите се на терен и вршат контроли по основа на Одлуката и понатаму ќе продолжат. Никој нема да биде поштеден од законот и ќе се санкционира без селективност!

Економската криза треба да ни биде показател за солидарност, а не за злоупотреба и профитерство. Пример за тоа се производителите кои денес не се придружија во стопирањето на достава на лебот опфатен со Одлуката и непречено ги снабдуваа граѓаните“, напиша на својот фејсбук профил Трајковски.

Пекарите вчера решија да не произведуваат леб, откако Владата не попушти и ја замрзна цената на лебот.