Добивај вести на Viber
Се рушат градбите од проектот ,,Битола филмски град" кој се наоѓаше во поранешната касарна во Битола, објави денеска битолската опозиција.
Овој проект беше дел од урбанистичкиот план за старата Касарна и за него беа предвидени 1 600 000 евра.
Советникот од редовите на СДСМ Благојче Котески, денеска побара од градоначалникот Владимир Талески да објасни колку пари отишле во неповрат.
,,За ова одговорност мора да има, а Талески и оној кој го направил превидот бараме да ги врати во буџетската каса парите на битолчани. "- вели Котески
Тој објасна дека ,,филмскиот град" се руши бидејќи бил поставен надвор од урбанистичкиот план. На негово место сега е предвиден пат.