Добивај вести на Viber
Пад на странските инвестиции во Македонија за една третина или 30,5 % во првиот дел од годинава регистрираше Народна Банка.
Во периодот од јануари до мај, во државата влегле 100,62 милиони евра, за разлика од лани кога во истиот период странските инвестиции изнесувале 144,91 милиони.
Економскиот аналитичар Висар Адеми, во изјава за
24 Вести, вели дека намалувањето на инвестициите се должи на политичката криза во земјата и нестабилните институции.
„Треба да имаме транспарентни институции, непартизирано судство, непартизирана администрација. Во секој момент треба да имаме стабилни институции кои што има даваат надеж дека капиталот е сигурен “ - изјави Адеми.
Покрај падот на инвестициите, во мај годинава, инвеститорите од земјава изнеле 5,10 милиони евра.
Инаку, Владата за оваа година најави нови 25 фабрики и 13 000 работни места.