СТРУЖАНЕЦ И ТЕТОВЧАНЕЦ ДОБИЈА ПРИТВОР ПОРАДИ ТРГУВАЊЕ СО ДРОГА: Обвинителство покрена постапки
Објавено во: Македонија 11 Август, 2023
Јавно обвинителство поведе постпака против две лица, еден жител на Струга и еден од Тетово за тргување со наркотици. Против двете лица се водат две постапки, поточно ги водат обвинителствата од различни градови, едното од Струга, едно од Тетово.
- Основното јавно обвинителство Струга донесе Наредба за спроведување истражна постапка против едно лице осомничено за кривично дело - Неовластено производство и пуштање во промет наркотични дроги, психотропни супстанции и прекурсори според член 215 став 1 од Кривичниот законик.
Кај 32-годишниот стружанец полицијата пронашла околу еден килограм марихуана, која ја носел со себе во картонска кутија - соопштуваат од обвинителство.
Од ОЈО додаваат дека јавен обвинител од Основното јавно обвинителство Тетово повел истражна постапка против 34-годишен тетовец за истото кривично дело, бидејќи во подрумот на зграда во населбата Чешел држел вкупно 30 пакувања наркотична дрога марихуана со различна грамажа и со вкупна нето маса од 20,32 грама.
- За двајцата осомничени до надлежните судови се поднесени предлози за определување мерка притвор, кои се прифатени и на лицата им се определени бараните притворски мерки - нагласуваат од ОЈО.