СВЕТСКА БАНКА СО ТРИ ЦРНИ СЦЕНАРИЈА: Еве што ни следи ако ескалира конфликтот на Блискиот Исток и ја зголеми цената на нафтата
Објавено во: Економија, Финансии, Свет 31 Октомври, 2023
Ескалацијата на последниот конфликт на Блискиот Исток во најлошото сценарио може да ја зголеми цената на нафтата до 157 долари за барел, се вели во најновата прогноза на Светската банка (СБ) за пазарот на суровини објавена денеска.
Извештајот дава прелиминарна проценка на потенцијалните краткорочни импликации од конфликтот на пазарите на стоки. Според веб-страницата на Светска банка, ефектите од конфликтот врз цената на стоките ќе бидат ограничени доколку конфликтот не се прошири.
Според основната прогноза на СБ, просечните цени на нафтата во тековниот квартал ќе бидат 90 долари за барел, а следната година ќе паднат на 81 долар за барел поради забавувањето на економскиот раст. Доколку конфликтот меѓу Израел и палестинското движење Хамас се разгори и се прошири, СБ предвидува три сценарија.
Во сценариото за „мал прекин“ во снабдувањето, глобалните резерви на нафта би се намалиле за 500.000 до два милиони барели дневно - приближно еднакво на падот забележан за време на либиската граѓанска војна во 2011 година.
Според ова сценарио, цената на нафтата првично би се зголемила меѓу три и 13 отсто во споредба со просекот за тековниот квартал - во опсег од 93 до 102 долари за барел. Доколку се оствари сценариото за „средно нарушување“, кое е приближно еквивалентно на последиците од војната во Ирак во 2003 година, глобалните резерви на нафта би се намалиле за три до пет милиони барели дневно.
Тоа првично би ги зголемило цените на нафтата за 21 отсто до 35 отсто на меѓу 109 и 121 долари за барел. Сценариото за „големо нарушување“, споредливо со арапското нафтено ембарго од 1973 година, предвидува намалување на глобалните резерви на нафта за шест до осум милиони барели дневно.
Во тој случај цените би се зголемиле за 56 до 75 отсто и би се движеле меѓу 140 и 157 долари за барел.
„Доколку конфликтот се разгори, глобалната економија ќе се соочи со двоен енергетски шок за прв пат по децении - не само поради војната во Украина, туку и поради Блискиот Исток“, предупреди главниот економист на Светската банка, Индермит Гил.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ЕК СЕ ЖАЛИ НА ОДЛУКАТА НА КИНА: Макрон вели „чиста одмазда“
ТЕЛЕКОМ СРБИЈА КУПУВА УДЕЛ ВО ФИРМА ЗА САЈБЕР БЕЗБЕДНОСТ ВО МАТИЧНАТА ДРЖАВА - зделката ќе ја разгледува и нашата Комисија за заштита на конкуренцијата
Заработи ли Доне Таневски над милион евра на грбот на малите акционери во „Македонијатурист“? На потег е КХВ!
БУГАРИТЕ СЕ „ОТКАЖАА“ ОД МАКЕДОНИЈА – пандемијата ги „разруши“ туристичките патеки
Вработени во АЕК тријат раце, ќе им се зголемуваат платите за 20 отсто
БУКВАЛНО „ПЛАЧАТ“ ЗА СТРАНСКИ РАБОТНИЦИ: На Германија и се заканува колапс, им недостигаат повеќе од 300.000 работници од странство
ДАЛИ БЕРЗАТА ВЛЕГУВА ВО „SANTA CLAUS СКОК“: Еве што значи овој тренд
НАЈЧЕВСКА: За мене силна економија е таа во која нема сиромашни и бездомници
НИКОГАШ ПОСКАПО: Цените на кафето највисоки во последните 27 години
