Таравари: Докторите направиле погрешни проценки при смртта на 14-месечното бебе

Добивај вести на Viber

Министерот за здравство Арбен Таравари денеска изјави дека на Клиниката за детски болести при вториот преглед извршен на 3 октомври е направен превид во проценката за потреба од хоспитализација на 14-месечното дете кое почина.

Според министерот, дополнително, на Клиниката за белодробни заболувања кај децата „Козле“ констатирана е неадекватна и ненавремена проценка за тежината на респираторните потешкотии.

Ова се дел од заклучоците на Комисијата на Министерството за здравство кои денеска ги пренесе пред јавноста Таравари, откако на 5 октомври, на Детска клиника почина 14-месечно девојче, кое претходно било одбиено за хоспитализација на оваа Клиника и родителите го однеле во „Козле“.

„Стручниот надзор утврди пропусти од 3 типа: системски, технички и во однос на стручноста. Во системските утврдено е непостоење на препораки или алгоритмни за тријажа на пациенти при прием, и дека треба потреба од континуирана обука од докторите на Детска клиника за срцеви болести. Во однос на техничките пропусти, во ‘Козле’ е утврдена дека има потреба од апарат за респираторна поддршка и унапредување за организирање на транспортот од една до друга установа“, рече министерот за здравство Арбен Таравари, на денешната прес-конференција.