Третина од Европејците сакаат да го заменат еврото со национална валута
Објавено во: Економија 26 Мај, 2015
Скоро третина од Европејците сакаат да го заменат еврото со националната валута, резултатите се од истражувањето на агенцијата „ICM рисрч“.
Во истражувањето, кое е направено од 20 март до 9 април оваа година, учествувале повеќе од 3000 луѓе во Франција, Германија и Грција.
Според резултатите од истражувањето кое е направено за агенцијата „Спутник“, 31 одсто од испитаниците во Франција, Германија и Грција сакаат да се вратат националните валути.
Во сите тие држави, во просек околу половина од испитаниците, односно 53 одсто, сакаат да продолжи користењето на еврото.
Во Германија и Франција, 39 одсто односно 29 одсто од испитаниците рекле дека сакаат да им се вратат нивните некогашни национални валути. Во Грција, повеќето испитаници - 58 одсто, сакаат да го задржат еврото.