Вечерва ексклузивно интервју со Новак Ѓоковиќ на ТВ 24 вести

Добивај вести на Viber

Новинарката Сања Савевска сними ексклузивно интервју со најдобриот светски тенисер, Новак Ѓоковиќ, кое вечера во 20.40 часот ќе се емитува на телевизијата 24 вести.

Интервјуто со Ѓоковиќ во интервјуто се реализираше за време на неговите подготовки за Дејвис Куп натпреварите во Краљево, во кое тој открива интересни детали за неговата кариера, моментите кога посакал да се откаже од тенисот, поддршката од семејството и промените кај него откако стана татко.

За Македонија вели дека ја почитува, како и македонската култура и традиција, но за жал досега немал можност да ја посети.

„Се надевам дека ќе соберам сила и ќе најдам време во распоредот да дојдам и да ја посетам Македонија“, изјави Новак Ѓоковиќ, најдобриот тенисер во светот за ТВ 24 Вести.

Новинарката Сања Савевска била упорна и чекала две години да го сними интервјуто со Новак Ѓоковиќ, кое за првпат ексклузивно ќе се емитува на 24 вести.

„Тенисот е еден од спортовите што со задоволство го гледам, а Новак е мојот омилен тенисер. Тоа не е само поради играта туку и поради харизмата која ја поседува, забавата која ја приредува по и за време на натпреварите и начинот на којшто се однесува кон своите обожователи. Интервјуто го чекав две години, и можам да кажам дека воопшто не е лесно да се дојде до него поради обврските и патувањата што ги има, но на крај мојата упорност се исплати“, вели Сања Савевска.

Новак Ѓоковиќ во моментов е во водство со 4000 поени пред второпласираниот Роџер Федерер на АТП листата.