ВИСТИНСКО ЛЕТО, СЛЕДУВА НАТПРОСЕЧНО ТОПЛО ВРЕМЕ - Славчо Поповски со најнови детали

Добивај вести на Viber

– Во Македонија во следните денови ќе имаме натпросечно топло време, со високи максимални дневни температури на воздухот, што значи дека нашата територија и понатаму ќе биде под влијание на топла воздушна маса од југ (северните предели на Африка), пишува Славчо Поповски.

Времето ќе биде сончево со умерена облачност и со слаб до умерен ветер од променлив правец. Сепак во попладневните часови атмосферата нема да биде целосно стабилна и ќе има услови за изолирана појава на нестабилност, проследена со краткотраен пороен дожд, грмежи и засилување на ветерот во зоната на нестабилност.

Наутро температурите ќе се спуштаат во интервалот од 11 до 17 степени, а особено во Малешевијата тие повремено ќе се спуштаат и под 10 степени. Максималните дневни температури пак ќе се искачуваат во интервалот од 26 до 32 степени.

Во Скопје наутро температурата ќе се спушта во интервалот помеѓу 14 и 17 степени, а максималната дневна температура ќе се искачува во интервалот помеѓу 29 и 30 степени.

Ув индексот ќе има висока вредност, но не премногу висока и тој ќе има вредност 6.

Како што и претходно најавивме, месецот септември го поминуваме во знакот на летно и топло време за овој период од годината, но и со многу малку врнежи и тие се значително под просекот за месец септември – вели метеопрогнозерот Славчо Попоски.