Започнувате нова работа? Овие 4 работи ќе ви помогнат да се адаптирате полесно
Објавено во: Мои пари 26 Мај, 2016
Настапувањето на голема промена во животот обично не тера да се чувствуваме загрижени и несигурни. А такви нешта се испровоцирани и од првите денови на нова работа. Во нив сакате да се покажете како професионалец, да го импресионирате шефот и да се спријателите со колегите. За намалување на стресот од новата локација ќе ви помогнат овие 4 работи.
Променете ја гардеробата Ако во компанијата има дрес код, задолжително почитувајте го. Дури и да нема официјален таков, погледнете наоколу - ако колегите ви се облечени построго или посекојдневно од вас самите, потрудете се и вие да се вклопите во нивниот стил. Купете си неколку нови алишта, со кои ќе се чувствувате добро. Ова ќе се одрази позитивно на вашата самодоверба. Научете ги деловните правила. Секое работно место има своја атмосфера и култура. Вие сте нови и треба брзо да се навикнете на нив. Запознајте се подетално со страницата на компанијата, поставувајте им прашања на колегите и шефовите... Запознајте ги деловните политики. Ќе се случи постепено, но важно е да започнете уште од првиот ден. Стане експерт во јазикот на телото. Сакате да создадете впечаток на уверен вработен и питом колега, нели? Јазикот на телото може да ви помогне во тоа. Совладајте и практикувајте како да се движите, седите, гестикулирате, емитувајте самодоверба. Избегнувајте брзи, нервни движења, зборувајте полека и доволно високо, за да ве слушаат. По месец-два ќе бидете вистински професионалци. Направете си службен дневник Не, не мислиме да пишувате сè што се случува во канцеларијата. Забележувајте си ги задачите, роковите, прогресот, чекорите за имплементација на дадена обврска. Така ќе станете поорганизирани и продуктивни. А и ќе имате писмен доказ за процесот на работа, ако некој одлучи да си ги „измие рацете“ со вас за забавување или друг проблем.