2,4 милиони евра за реконструкција на железничката станица

Добивај вести на Viber

Железничката станица наскоро ќе добие нов и модерен лик.

Преку ИПА(85%) и државната каса (15%) ќе се издвојат 2,4 милиони евра за реконструкцијата на објектот изграден пред 35 години.

Целиот процес би траел околу 4 месеци со што модерната железничка ќе има целосно нов лик.

За три до четири месеци, според надлежните институции,  ќе биде завршена обновата на Железничката станица во Скопје, која треба да добие комплетно нов и модерен изглед.

Министерот Мисајловски истакна дека ефективно се работи на објектот со што целосна рехабилитација Железничката станица ќе добие за три до четири месеци, кој потенцираше и дека почнат и проектот за  обнова на 10 вакви објекти лоцирани долж паневропскиот Коридор 10 и кракот 10Д.

А покрај скопската железничка станица ќе се реконструираат и оние во Прилеп, Велес, Битола, Богомила, Гевгелија, Чашка, Табановце, Демир Капија, Градско и Неготино – Вардар.

Според директорот на МЖ Инфраструктура Ирфан Асани, голем дел од работите се во завршна фаза. Пероните се веќе подигнати и со стандардите за набавените нови патнички возови кои треба да пристигнат, лифтовите кои се важни за лицата со посебни потреби, како и чекалните ќе добијат нови системи за климатизација.

- Два перона се целосно направени, се работи на третиот перон, лифтовите  се 90  проценти завршени, Дел од санитарните јазли, на северната страна,  се 100 проценти завршени, а во другите делови 90 проценти. Се работи и на електричните и климатизациските инсталации кои се завршени околу 80 проценти. Има ново варосување, а потоа и целосно чистење, изјави Асани.

Надлежните работат и на набавка на нови патнички возови и товарни вагони

- Исто така работиме и на зајакнување на пругите, Куманово - Бељаковце, работиме на нови пруги, започнавме и со Битола - Кременица, односно пробуваме Македонија да добие нова слика односно реконструкција на цела железничка инфраструктура, а со тоа и да ги подобриме условите за граѓаните во железничкиот превоз, изјави министерот за транспорт Мисајловски.