Добивај вести на Viber
Брак со Американци ќе биде спас за илегалните имигранти кои сакаат американско државјанство.
Американскиот претседател Џо Бајден денеска понуди шанса за државјанство на стотици илјади илегални имигранти кои се во брак со американски државјани.
Програмата ќе биде наменета за скоро 500.000 сопружници на американски државјани кои живеат во САД најмалку 10 години на ден 17 јуни, објави денеска Министерството за татковинска безбедност.
Право на државјанство ќе имаат и речиси 50.000 деца под 21 година кои имаат родител кој има американско државјанство. Се смета дека оваа шанса ќе ја искористат најмногу Мексиканците.
Toa е сосема спротивно од плановите на неговиот републикански противкандидат Доналд Трамп, кој ветува депортации.
Доналд Трамп месецов изјави дека ако победи на изборите во САД во ноември може да воведе царини за државите, вклучително и Кина, кои не го ограничуваат приливот на имигранти. Трамп ова го кажа на предизборен митинг во пограничната држава Аризона одговарајќи на прашање од публиката, но не ја прецизира големината на тарифите што ќе ги воведе во такво сценарио.