Бжежински: Јужен Балкан е слаба точка на НАТО и тоа Русија го препознава
Објавено во: Македонија, Балкан 01 Мај, 2018
Поранешниот висок функционер во Пентагон, Јан Бжежински во интервју за 360 степени вели дека Јужен Балкан е слаба точка на НАТО и тоа Русија го препознава.
Не смета дека ако во јули Македонија не стане членка на НАТО, тоа ќе биде можност за дестабилиација на Балканот.
Бжежински препознава оптимизм кај грчката страна за интеграција на земјава во Алијансата, но евенуална одлука Македонија во јули да остане да чека пред вратите на НАТО, сепак може да се толкува како неуспех.
„Што се однесува до тоа – што ќе се случи во јули, не знам. „Стискам палци“, гледам сигнали на оптимизам, гледам причини за оптимизам. Гледам знаци на прагматизам кај грчката влада. Но, ако таа покана не се имплементира, така да кажам, во јули, не мислам дека тоа ќе биде главниот поттикнувач на нестабилност на Балканот. Ќе биде неуспех, нема да им помогне на оние во Македонија што се најпосветени на трансатлантската идеја, кои се најпосветени на демократските реформи и слично“- вели Бжежински.
Бжежински рече дека не е потребно засилено воено присуство на НАТО и САД на Балканот. Спред него треба да се направи повеќе во соработката со владите во регионот.