Данокот на дебелината ќе ги промени Coca-Cola и Pepsi

Добивај вести на Viber

Гигантите во производството на газирани пијалаци Coca-Cola, PepsiCo и Dr Pepper Snapple Group ќе работат на намалувањето на калориите во пијалоците за 20% до 2025 година, а ќе промовираат флаширана вода, нискокалорични пијалаци и помали шишиња. Планот претставува најголем ангажман од страна на производителите на газирани пијалаци за борба против дебелината во момент во кој индустријата ги преиспитува внимателно своите производи. Производителите се обидуваат да го одбегнат новиот данок за слатките пијалаци, кој ќе биде изгласан од жителите на Сан Франциско во ноември. Потрошувачите одамна не пијат толку многу газирани безалкохолни пијалоци богати со шеќер и сок од портокал, бидејќи потрошувачите знаат многу повеќе за болести како што е дијабетесот, што неминовно почнува да се одразува на целата индустрија. Потрошувачката на газирани пијалоци по глава на жител се намалува секоја година од врвот, чиј раст запре во крајот на 90-тите години. Доброволниот договор, е дело на American Beverage Association и Alliance for a Healthier Generation - организација формирана со цел подобрување на здравјето на децата. "Ова е продолжение на нашата желба да бидеме дел од решението", вели претседателот на American Beverage Association Сузан Нили. К.К.